عبادات >> صلاة (نماز)
سوال نمبر: 601019
لاحق مقتدی کی اپنی چھوٹی ہوئی نماز ادا کرنے میں قرآت نہ کرنے کی قرآن و حدیث سے کیا دلیل ہے ؟
جواب نمبر: 601019
بسم الله الرحمن الرحيم
Fatwa : 160-136/D=04/1442
لاحق تقدیراً امام کے پیچھے ہے، اس لیے جس طرح وہ مقتدی جو حقیقةً امام کے پیچھے ہو قرأت نہیں کرتا، کیوں کہ آپ صلی اللہ علیہ وسلم نے فرمایا ہے: من کان لہ إمام فقراء ة الإمام لہ قراء ة ۔ (موطا محمد، رقم: ۱۲۵، دار إحیاء التراث العربي) یعنی امام کے پیچھے نماز پڑھ رہا ہو تو امام کا قرأت کرنا مقتدی کا قرأت کرنا ہے۔ تو اسی طرح وہ شخص بھی نماز میں قرأت نہیں کرے گا جو تقدیراً امام کے پیچھے ہے۔
تبیین الحقائق میں ہے : فصار اللاحق فیما یقضي کأنہ خلف الإمام تقدیراً ، ولہذا لا یقرأ و لایلزمہ السجود بسہوہ الخ (۱/۳۵۳، ط: زکریا)
واللہ تعالیٰ اعلم
دارالافتاء،
دارالعلوم دیوبند