عنوان: امام صاحب اگر تجوید کی رعایت نہ کریں تو اس کے پیچھے نماز کا حکم؟

سوال: کیا فرماتے ہیں علماء دین و مفتیان کرام مسئلہ زیل میں، اگر امام نماز میں دورانِ قرت علم تجوید کے قوانین کے مطابق قرآن کریم کی تلاوت نہیں کرتا ہے ٹو کیا اُس کے پیچھے نماز ہو جائے گی؟اور کیا بغیر علمِ تجوید کے جانے قرآنِ مجید کی تلاوت درست ہے ؟ برائے مہربانی تفصیل سے جواب مرحمت فرمائیں۔

جواب نمبر: 15820301-Sep-2020 : تاریخ اشاعت

بسم الله الرحمن الرحيم

Fatwa:536-407/sn=5/1439

(۱،۲) امام صاحب قراء ت میں کس طرح کی غلطیاں کرتے ہیں، اس کی وضاحت ضروری تھی؛ کیونکہ بعض غلطیاں مفسد صلات ہوتی ہیں، بعض مفسد تو نہیں ہوتیں؛ لیکن ان سے بھی بچنا ضروری ہوتا ہے اور بعض غلطیاں اولیٰ اور غیر اولیٰ کے قبیل سے ہوتی ہیں، صورت مسئولہ میں بہتر ہے کہ قریب کے کسی اچھی قرأت کرنے والے عالم یا مفتی کو بلاکر امام صاحب کی قرأت سنوادیں، قرأت سننے کے بعد وہ اس امام کے پیچھے نماز کے جواز یا عدم جواز کے بارے میں جو حکم بتلائیں اس کے مطابق عمل کیا جائے۔