عنوان:

میں ہندوستان میں رہتا ہوں اور ۱-۲ ماہ کے لیے عرب امارات جانا ہوا تھا، تب میں نے جو نماز پڑھی وہ امام شافعی کے مسلک کے امام کے پیچھے انھیں کے اوقات میں جماعت سے ادا کی۔ میرا سوال ہے کہ یہ سب نمازیں صحیح ہیں؟ یا دہرانا ضروری ہے؟

سوال:

میں ہندوستان میں رہتا ہوں اور ۱-۲ ماہ کے لیے عرب امارات جانا ہوا تھا، تب میں نے جو نماز پڑھی وہ امام شافعی کے مسلک کے امام کے پیچھے انھیں کے اوقات میں جماعت سے ادا کی۔ میرا سوال ہے کہ یہ سب نمازیں صحیح ہیں؟ یا دہرانا ضروری ہے؟

جواب نمبر: 2065101-Sep-2020 : تاریخ اشاعت

بسم الله الرحمن الرحيم

فتوی(ب): 434=358-4/1431

جو نمازیں آپ نے عرب میں حضرت امام شافعی یا حنبلی مسلک والے امام کے پیچھے ان ہی کے اوقات میں پڑھی ہیں، وہ سب صحیح ہوئی ہیں۔ عصر کے وقت وہ ایک مثل پر عصر کی نماز پڑھتے ہیں، ہمارے احناف کے نزدیک بھی ایک روایت کے مطابق ایک مثل پر وقت ہوجاتا ہے۔ اسی طرح فجر کی نماز وہ شروع وقت میں اندھیرے میں ہی پڑھتے ہیں۔ ہمارے احناف کے نزدیک بھی وہی فجر کا وقت ہے۔ آپ کی سب نمازیں صحیح ہوگئی ہیں آپ کوئی وہم نہ کریں۔ امام شافعی کے نزدیک ہرنماز شروع وقت میں پڑھنا ہے اور ہمارے یہاں فجر کی ذرا دیر کرکے۔ اور عصر کی دو مثل پر پڑھنا بہتر ہے۔ بس صرف بہتر اور غیربہتر کا فرق ہے، نماز بلاشبہ سب کے نزدیک صحیح ہوجاتی ہے۔