عبادات >> صلاة (نماز)
سوال نمبر: 21935
جواب نمبر: 21935
بسم الله الرحمن الرحيم
فتوی(د):723=558-5/1431
عورت کے سجدہ کا طریقہ مرد کے سجدہ سے جداگانہ ہے، مردوں کو حکم یہ ہے کہ سجدہ میں پیٹ کو رانوں سے اور بغل کو بازووٴں سے علاحدہ رکھیں اسی طرح کہنیوں اور کلائیوں کو زمین سے اٹھاکر رکھیں نیز دونوں پاوٴں کو کھڑا رکھیں اس کے بخلاف عورتوں کے لیے سجدہ میں حکم یہ ہے کہ پیٹ کو رانوں سے اور بازووٴں کو بغل سے ملاکر رکھیں، کہنیوں اور کلائیوں کو زمین پر بچھادیں نیز پاوٴں کو کھڑا نہ کریں بلکہ دونوں پاوٴں داہنی طرف نکال دیں اور خوب سمٹ کر سجدہ کریں ( کما في البحر الرائق: ۱/۵۶۱، باب صفة الصلاة وفي البدائع: ۱/۴۹۴، زکریا، وہکذا في غنیة المستملي: ۳۴۲، اشرفیہ) وفي الحدیث مر النبي صلی اللہ علیہ وسلم علی امرأتین تصلیان فقال إذا سجدتما فضما بعض اللحم إلی الأرض فإن المرأة لیس في ذلک کالرجل (رواہ أبوداوٴد في مراسیلہ البحر الرائق باب صفة الصلاة: ۱/۵۶۱، زکریا)
واللہ تعالیٰ اعلم
دارالافتاء،
دارالعلوم دیوبند