عبادات >> صلاة (نماز)
سوال نمبر: 148587
جواب نمبر: 148587
بسم الله الرحمن الرحيم
Fatwa ID: 614-624/M=5/1438
(۱) فرض نماز کے بعد دعا کا مقبول ہونا اور فرض نماز کے بعد دعا مانگنا رسول اللہ صلی اللہ علیہ وسلم اور صحابہ کرام کے اقوال و افعال سے ثابت ہے، ترمذی شریف میں روایت ہے: ”پوچھا گیا یا رسول اللہ صلی اللہ علیہ وسلم“ کس وقت کی دعا زیادہ مقبول ہوتی ہے؟ جواب میں آپ صلی اللہ علیہ وسلم نے ارشاد فرمایا: رات کے اخیر حصے میں اور فرض نمازوں کے بعد“ قیل لرسول اللہ صلی اللہ علیہ وسلم: أي الدعاء أسمع؟ قال: جوف اللیل الآخر ودُبرا الصلوات المکتوبات (ترمذی) اس لیے فرض نماز کے بعد دعا مانگنا جائز بلکہ مستحب ہے۔
(۲) غیر مقلدین اس سعادت سے محروم ہیں ان کے علاوہ سبھی لوگ کرتے ہیں۔
واللہ تعالیٰ اعلم
دارالافتاء،
دارالعلوم دیوبند