متفرقات >> حلال و حرام
سوال نمبر: 607508
بل بڑھواکر نفع کمانا
میرے پاس بہت پیسہ ہے ، جس میں سے زیادہ تر میں کماتا ہوں، لیکن اس میں سے کچھ جھوٹی آمدنی ہے ، اگر کوئی مجھے کوئی چیز خریدنے دیتا تو میں بل بڑھا دیتا، میں نے اپنے سارے پیسے آپس میں ملا دیئے ، اب سمجھ آیا کہ میں کیا کروں؟
جواب نمبر: 607508
بسم الله الرحمن الرحيم
Fatwa:123-106/D-Mulhaqa=5/1443
صورت مسئولہ مکمل واضح نہیں ہے ، اگر یہ صورت ہے کہ آپ دوسرے کی طرف سے وکیل بن کر سامان خریدتے تھے اور بائع سے بل بڑھواکر موکل (مالک) کو غلط بل پیش کردیتے تھے اور زائد رقم خود وصول کرلیتے تھے ، تو یہ صورت جھوٹ اور دھوکہ کی وجہ سے ناجائز تھی اور اس طرح نفع کمانا بھی جائز نہیں تھا، اب آپ ذہن پر زور ڈال کر ایک اندازہ لگائیں، جتنی آمدنی جھوٹ بول کر حاصل کی ہے ، اتنی رقم اگر ممکن ہو تو مالک کو لوٹادیں اور اگر مالک تک پہنچانا ممکن نہ ہو تو مالک کی طرف سے صدقہ کردیں۔
نوٹ: اگر صورت مسئلہ میں دوسرا ہو تو اس کی وضاحت کرکے دوبارہ سوال کریں۔
واللہ تعالیٰ اعلم
دارالافتاء،
دارالعلوم دیوبند