معاشرت >> طلاق و خلع
سوال نمبر: 34928
جواب نمبر: 34928
بسم الله الرحمن الرحيم
فتوی(ب): 1810=1449-11/1432 (۱) جو کچھ آپ نے کتاب میں پڑھا تھا اسی کو دہرا رہے تھے یا مستقل علاحدہ سے اپنی بیوی کو طلاق دی ہے، اگر طلاق دی ہے تو کن الفاظ میں دی ہے، پھر ایک مرتبہ دی ہے یا تین مرتبہ دی ہے، پوری وضاحت کے ساتھ سوال تحریر فرمائیں۔ (۲) شوہر کو طلاق دینا یاد نہیں تو بیوی کو یاد ہے یا نہیں، اسے بھی یاد نہیں تو حاضرین میں سے کسی کو یاد ہو تو اس کا بیان لکھ کر ارسال فرمائیں اس کے بعد جواب لکھا جائے گا۔ (۳) ایسے الفاظ میں طلاق دینا جس میں طلاق دینے کا مفہوم بھی نکلتا ہو اور کوئی دوسرا مفہوم بھی نکلتا ہو، مثلاً شوہر نے بیوی سے کہا چلی جا، نکل جا، اس میں غصہ کی حالت میں گھر سے بیوی کو نکالنے کا مفہوم بھی نکلتا اور طلاق کی نیت سے کہا ہے تو طلاق کا مفہوم بھی نکلتا ہے، اگر طلاق کی نیت سے کہا ہے تو طلاق بائن واقع ہوجائے گی۔
واللہ تعالیٰ اعلم
دارالافتاء،
دارالعلوم دیوبند