معاشرت >> طلاق و خلع
سوال نمبر: 62983
جواب نمبر: 62983
بسم الله الرحمن الرحيم
Fatwa ID: 260-247/N=3/1437-U جنون کی بعض صورتوں میں قاضی شرعی کے ذریعہ (اور جہاں قاضی شرعی نہ ہو، جیسے: ہندوستان وغیرہ، وہاں شرعی پنچایت کے ذریعہ) مجنون کی بیوی کا نکاح فسخ کرایا جاسکتا ہے، جس کی تفصیل الحیلة الناجزہ (بہ عنوان: حکم زوجہ مجنون، ص۶۲-۶۹) میں موجود ہے، آپ کے یہاں سرکاری عدالت کا کیا نظام ہے؟ نیز صورت مسئولہ میں شوہر کس درجہ کا پاگل ہے، اور شوہر کے پاگل ہونے کی صورت میں فسخ نکاح کی کیا صورت ہوتی ہے وغیرہ وغیرہ؟ یہ سب امور استفتاء میں نہیں اور ہمیں معلوم بھی نہیں، نیز ان کی صحیح ومعتبر تحقیق بھی ہمارے لیے آسان نہیں؛ اس لیے صورت مسئولہ میں پاکستان کے کسی معتبر دارالافتاء سے ہی رجوع کیا جائے۔
واللہ تعالیٰ اعلم
دارالافتاء،
دارالعلوم دیوبند