عبادات >> طہارت
سوال نمبر: 607058
بندر کالعاب کپڑوں کو لگ جائےتو کیا حکم ہے؟
سوال : میرا سوال یہ ہے کہ ہم جس ہاسٹل میں رہ رہے ہیں وہاں بندروں کی تعداد بہت زیادہ ہے . جب ہم کپڑے دھو کر دھوپ میں سکھانے کے لیئے ڈالتے ہیں. تو بندر ان کپڑوں کے ساتھ کھیلتے ہیں. وہ کپڑے پاک ہوں گے یا نہیں ؟ شکریہ.
جواب نمبر: 607058
بسم الله الرحمن الرحيم
Fatwa : 315-246/D=04/1443
بندر ”سباع بہائم“ میں سے ہے جس کا جھوٹا (لعاب) نجس ہے۔ پس بندر جب کپڑوں سے کھیلتے ہیں اگر منہ سے دباتے ہوں یا دانت سے پکڑتے ہوں اور کپڑے میں ان کا لعاب لگ جائے تو جس حصے پر لعاب لگا ہے وہ نجس ہوجائے گا، اس کا دھونا ضروری ہوگا۔ قال فی الدر: وسور خنزیر وکلب وسباع بہائم ومنہ الہرة البرّیة۔ قال فی الشامی: وسباع بہائم ہی ما کان یصطاد بنابہ کالأسد والذئب والفیل والنمر والثعلب والضبع وأشباہ ذلک ․․․․․․ نَجَسٌ مغلّظٌ۔ (الدر مع الرد: 2/46، فرفور، مکتبہ اتحاد)
واللہ تعالیٰ اعلم
دارالافتاء،
دارالعلوم دیوبند