• عبادات >> طہارت

    سوال نمبر: 158494

    عنوان: اگر ہاتھ پر فیوی كوك لگ جائے تو کیا وضو ہو جاتا ہے؟

    سوال: کیا فرماتے ہیں علما ئے دین اس بارے میں کہ اگر ہاتھ پر گلو، ( Feviquick ) لگ جائے تو کیا وضو ہو جاتا ہے ؟ جب کہ اس کے ہاتھ سے چھڑانا بہت مشکل ہوتا ہے ۔

    جواب نمبر: 158494

    بسم الله الرحمن الرحيم

    Fatwa: 515-528/M=6/1439

    اگر ہاتھ میں کوئی ایسی چیز لگ جائے جو کھال تک پانی پہنچنے سے مانع ہو تو وضو سے پہلے اسے چھڑانے کی بھربور کوشش کرنی چاہیے۔ صورت مسئولہ میں اگر فیوی کوئیک (Feviqiuick) بھی اسی قسم کی چیز ہے جو کھال تک پانی پہنچنے سے مانع ہوتی ہے تو وضو سے پہلے اسے رگڑکر یا صابن وغیرہ کے ذریعہ چھڑانے کی کوشش ضروری ہے، اگر پوری کوشش کے باوجود نہ چھٹے تو حرج کی وجہ سے معاف ہے اسی حال میں وضو ہوجائے گا۔


    واللہ تعالیٰ اعلم


    دارالافتاء،
    دارالعلوم دیوبند