عبادات >> طہارت
سوال نمبر: 15771
سوال
یہ ہے کہ میری خالہ کا کچھ یوں مسئلہ ہے کہ فجر کی نماز کے لیے اٹھتی ہیں تو ان کی
گیس خارج ہوتی ہے جس کی وجہ سے ان کو ایک دو رکعت کے لیے کئی بار وضو کرنا پڑتا ہے
۔مثلاً اگر وہ وضو کرکے تحریمہ باندھتی ہیں کہ الحمد شروع کرتی ہیں کہ وضو ٹوٹ
جاتا ہے کیا وہ ایک وضو سے نماز مکمل کرلیں یا بار بار دہرائیں؟
سوال
یہ ہے کہ میری خالہ کا کچھ یوں مسئلہ ہے کہ فجر کی نماز کے لیے اٹھتی ہیں تو ان کی
گیس خارج ہوتی ہے جس کی وجہ سے ان کو ایک دو رکعت کے لیے کئی بار وضو کرنا پڑتا ہے
۔مثلاً اگر وہ وضو کرکے تحریمہ باندھتی ہیں کہ الحمد شروع کرتی ہیں کہ وضو ٹوٹ
جاتا ہے کیا وہ ایک وضو سے نماز مکمل کرلیں یا بار بار دہرائیں؟
جواب نمبر: 15771
بسم الله الرحمن الرحيم
فتوی: 1439=1434/1430/م
اگر آپ کی خالہ معذور شرعی نہیں ہیں، تو دوران نماز جتنی بار بھی گیس وغیرہ خارج ہونے کی وجہ سے وضو ٹوٹ جائے گا، نماز پوری کرنے کے لیے ہرمرتبہ نیا وضو کرنا پڑے گا، اور اگر معذور شرعی ہیں یعنی گیس خارج ہونے کا عذر اس تسلسل کے ساتھ پیش آتا ہے کہ پورے وقت میں وضو کرکے فرض نماز پڑھنے کا بھی موقع نہیں مل پاتا بلکہ اس دوران بھی وہ عارضہ پیش آجاتا ہے تو ایسی صورت میں حکم یہ ہے کہ ایک وقت کی نماز کے لیے ایک وضو کافی ہے، اس وضو سے وقتیہ فرض نماز کے علاوہ سنت ونفل اور قرآن وغیرہ جو چاہے پڑھ سکتی ہیں، نماز کا وقت ختم ہوتے ہی وضو بھی ختم ہوجائے گا، اور دوسری نماز کے لیے دوسرا وضو کرنا ہوگا۔
واللہ تعالیٰ اعلم
دارالافتاء،
دارالعلوم دیوبند