عنوان: سلام پھیرتے وقت غلط الفاظ کا زبان سے نكل جانا؟

سوال: امید ہے مزاج بخیر ہوں گے، مولانا مجھ سے کچھ مرتبہ ایسا ہوا ہے کہ نماز میں سلام پہیرتے ہیں تب زبان سے السلام علیکم و رحمتہ اللہ کی جگہ السام علیکم زبان سے ادا ہوگیا۔ مجھے جاننا تھا کہ کیا اس طرح میری نماز ادا ہوگئی. یا نہیں اور دوسر کہ اگر غلط الفاظ کا زبان سے نکلنے پر کیا مجھ کو کوئی گناہ ہوگا ؟ برائے مہربانی جلد جواب سے مطمئین فرمائیں۔ شکریہ نیز مولانا میرے اور میرے خاندان بھائی بہنوں وسبھی جملہ رشتہ داروں نیز دوستوں کی صحت وعافیت نیز پریشانیوں سے بچنے کے لئے اور سبھی کے ایمان کی سلامتی کے لئے خصوصی دعا کی درخواست ہے۔ ساتھ ہی دادی جان ووالد صاحب کی صحت اور والدہ محترمہ کی مغفرت کے لئے خصوصی دعا کی بھی درخواست ہے۔

جواب نمبر: 17321201-Sep-2020 : تاریخ اشاعت

بسم الله الرحمن الرحيم

Fatwa : 87-65/H=01/1441

سلام سے پہلے خروج بصنعہکا تحقق ہوگیا تو نماز پوری ہوگئی البتہ لفظ السلام نماز سے نکلنے کے لئے کہنا واجب ہے اس لئے نماز واجب الاعادہ ہوگی مگر یہ حکم نماز کے وقتِ اداء کے اندر اندر ہے یعنی وقتِ اداء باقی ہوتو نماز دوبارہ پڑھ لے اور جب وقتِ اداء ختم ہوگیا تو اعادہٴ نماز واجب نہیں رہا صرف مستحب ہوگا غلطی سے اگر السام نکل گیا تو اس میں گناہ نہ ہوگا قواعد سے جواب لکھا گیا صراحةً جزئیہ باوجود تلاش بسیار کے ملا نہیں۔ اللہ پاک والدہ محترمہ کی مغفرت فرمائے بلند درجات عطاء فرمائے اور تمام مقاصد حسنہ میں پوری کامیابی عطاء کرے۔ آمین