عنوان: ثنا شروع كرنے سے پہلے لفظ ’’ثنا‘‘ كہنا؟

سوال: میرا مسئلہ یہ ہے کہ لفظ ثنا کانماز میں کہ دینے نماز فاسد ہو جاتی ہے یانہی..جبکہ کچھ عالم حضرات کہتے ہیں کہ فاسد ہو جائگی جبکہ کچھ کہتے ہیں کہ فاسد نہی ہوگی اور اپنی اپنی راء پر ثبوت نھی دیتے ہیں اب ہم جیسے عام عوام کے لئے یہ سمجھنا مشکل ہے ،،آپ اس مسئلے کو حل فرماکر مشکور ہوں

جواب نمبر: 15753401-Sep-2020 : تاریخ اشاعت

بسم الله الرحمن الرحيم

Fatwa:712-877/M=8/1439

تکبیر تحریمہ کہہ کر نیت باندھ لینے کے بعد ثنا پڑھی جاتی ہے لیکن لفظ ”ثنا“ کہنے کی ضرورت نہیں، بلکہ سبحانک اللہم سے شروع کرنا چاہیے اور ثنا کا لفظ نہیں کہنا چاہیے لیکن اگر کسی نے کہہ دیا تو کیا حکم ہے؟ تو اس بابت کوئی صریح جزئیہ نہیں ملا۔ ظاہر یہ ہے کہ اس سے نماز فاسد نہ ہوگی کیوں کہ یہ خالص کلام الناس میں سے نہیں بلکہ جو چیز پڑھی جائے گی اس میں ثنا ہی (تعریف) کا مضمون ہے تو یہ اس کا گویا عنوان ہے۔