متعلقہ سوالات

کلام اقبال قوالی کی صورت میں سننا

خواب میں رسول اللہ صلی اللہ علیہ والہ وسلم کو دیکھنا

یہ ایک خواب ہے۔ کل بروز7جولائی میں نے دیکھا کہ میری امی نے مجھے کچھ پیسے دئے کہ میں مارکیٹ سے بٹن لے کر آؤں۔ پیسے مجھے کم لگے مگرمیں چلا گیا اور اپنی طرف سے بھی پیسے نہ رکھے۔ پھر میں ایک دکان گیا۔ میں اس دکان میں نہیں جانا چاہ رہا تھا مگر میں نے سوچا کہ شاید یہیں سے کچھ مل جائے۔ دکان چھوٹی تھی۔ دکان کے اند رگیا تو دیکھاکہ میری خالہ بھی موجود ہیں۔ امی سب سے بڑی بہن ہیں اور خالہ کا نمبر بہنوں میں پانچواں ہے۔ پھر میں خالہ کے ساتھ مل کربٹن دیکھنے لگتا ہوں۔ کچھ اچھے نہیں لگتے اورکچھ مہنگے تھے۔ پھر خالہ نے تین بٹن کا سیٹ پسند کیا۔ اس کا رنگ کالا تھا مگر دیکھنے میں بہت جاذب لگ رہا تھا، اور قیمت بھی زیادہ تھی اوران بٹن کا سائز بھی بڑا تھا۔ خالہ کہتی ہیں کہ یہ لے لو،مگر میں کہتا ہوں کہ یہ بٹن مہنگے ہیں اورمیں اتنے پیسے لے کر نہیں آیا ہوں۔ خالہ نے کہا کہ یہ میری طرف سے باجی (میری امی) کو تحفہ دے دینا۔ دکان دار ان بٹن کو پیک کرنے لگتا ہے تو میں کھڑا ہوجاتا ہوں اور دکان دار سے کہتا ہوں کہ اگر تم نے ایسا کیا تو میری اورتمہاری بات خراب ہوجائے گی۔ میرا کہنا ایسا ہوتا ہے کہ اگر دکان دار نے ان بٹن کو پیک کردیا تو مجھے لینا پڑجائے گا۔ مگر میں دکان سے باہر آجاتا ہوں اور اتنے میں میری آنکھ کھل جاتی ہے۔ یہ خواب میں نے ظہر کے بعد دیکھا تھا۔ بڑی گہری نیند میں تھا مگر جیسے ہی اٹھا تو یہ میرے دماغ میں بس گیا اور ابھی تک ہے۔

سوال یہ ہے کہ بزرگوں کا طریقہ ہے کہ وہ کہتے ہیں عورت کا بال بھی پردہ ہے اس کو چھپاکر رکھو اور دریامیں بہا دو۔ اس میں کیا صداقت ہے؟ آیا یہ بات درست ہے ، آیا حدیث سے ثابت ہے؟ اور کیا ناخون کا بھی یہی حکم ہے؟ کیا استعمال کی ہوئی پنسل کا کچرا جس سے اللہ کا نام لکھاہو اس کو بھی دریا میں بہادیں؟

زید نے اپنی زمین فروخت کر نے کے لیے بکر سے سودا طے کیا۔ بکر نے بطور ایڈوانس کچھ رقمزید کو دے دی کہ فلاں تاریخ کو رجسٹری کرالینا لیکن عمر نے زید کو کچھ زیادہ رقم دے کر چپکے سے اس زمین کو اپنے نام لے لیا۔ عمر اس زمین پر اپنا مکان بنوائے ہوئے ہے۔رمضان کے مہینے میں عمر اپنے مکان پر نماز عشاء و تراویح کا اہتمام کرتاہے۔کیا عمر کے وہاں نماز پڑھنا درست ہے؟ (۲)ہم لوگ مردوں کے حق میں قرآن پڑھ کر اس کا ثواب پہنچاتے ہیں مگر اہل حدیث کے لوگوں کا کہنا ہے کہ شریعت میں ایسی کوئی مثال نہیں ملتی ہے۔ (۳)ہمارے والد محترم کا گیارہویں شعبان دن سوموار صبح چھ بج کر بتیس منٹ پر انتقال ہوا، نماز جنازہ بعد نماز عصر ہوئی وہ لیور کینسر کے مریض تھے۔ وہ چار پانچ روز پہلے سے کچھ باتیں کہہ کر چپ ہوجایا کرتے تھے:(الف) ہم کو نہیں معلوم تھا کہ آپ آج ہی آنے والی تھیں۔ (ب)مکہ مدینہ گیا تھا۔ (ج)انتقال کے ایک روز قبل پانچ دن میرے ہوگیا تم سب ابھی تک مجھے رکھے ہو۔ (د)کل مغرب کی نماز جامع مسجد پر پڑھنی ہے۔ (ہ)انتقال کے تھوڑا سا پہلے جھاڑو لگاؤ وہ لوگ آنے والے ہیں۔ (و)روح نکالتے وقت ماشاء اللہ پہلا کلمہ پڑھے اور اپنے دونوں ہاتھوں کو نماز کی نیت کی طرح اپنے سینے پر باندھ رکھے تھے۔ ابو کے لیے دعا کی درخواست ہے۔

اگر جادو کا شبہ ہو‏، تو اس سلسلے میں جانکاری حاصل کرنے اور اس کے اثر سے بچنے کا صحیح طریقہ کیا ہے؟

میرے والدین کی شادی کو تیس سال ہوگئے ہیں۔ میری ماں اپنے خواب میں دیکھتی ہے کہ اس کی شادی ہورہی ہے اور نیز میرے والد کی بھی شادی ہورہی ہے لیکن وہ ایک دوسرے سے شادی نہیں کررہے ہیں۔ اور وہ یہ خواب بہت سالوں سے دیکھ رہی ہیں۔ میری ماں کی عمر پچاس سال ہے اور میرے والد صاحب کی عمر ساٹھ سال ہے۔ اس خواب کی کیا تعبیر ہے؟