عنوان: زانی کے لیے معافی کی کوئی گنجائش ہے ؟

سوال: 1)کیا زانی قرآن کو ہاتھ لگا سکتاہے ؟ 2)کیا زانی کی توبہ قبول ہے ؟ 3)کیا زانی کی کوئی عبادت قبول ہے ؟ 4)کیا زانی امام و امیر رہ سکتا ہے ؟ 5)زانی کے لیے معافی کی کوئی گنجائش اسلام میں ہے ؟

جواب نمبر: 15392501-Sep-2020 : تاریخ اشاعت

بسم الله الرحمن الرحيم

Fatwa: 1425-1408/L=12/1438

(۱) جی ہاں! زانی اگر باوضو ہے تو قرآن کو ہاتھ لگاسکتا ہے۔

(۲) جس طرح دیگر مرتکب کبیرہ کی توبہ اللہ قبول فرمالیتے ہیں اسی طرح اگر زانی بھی صدق دل سے توبہ کرے تو اللہ سے امید ہے کہ اس کی توبہ بھی قبول فرمالیں گے۔

(۳) زانی بھی جو عبادت کرے گا اس کا ثواب اس کو ملے گا۔

(۴) زانی جب تک توبہ نہ کرے اس وقت تک اس کو امام یا امیر بنانا درست نہیں؛ البتہ اگر صدق دل سے توبہ کرلے اور اس کی توبہ پر لوگوں کو اطمینان ہوجائے تو اس کو امام یا امیر بنانے کی گنجائش ہوگی۔

(۵) اس کا جواب نمبر (۲) میں آچکا ہے۔