عنوان: جادو ٹونہ یا جناتی اثرات کا علاج غیر مسلم سے کرانا کیسا ہے ؟

سوال: جادو ٹونہ یا جناتی اثرات کا علاج کسی غیر مسلم معالج (ہندو سیانا) سے کرانا کیسا ہے ؟

جواب نمبر: 16818931-Aug-2020 : تاریخ اشاعت

بسم الله الرحمن الرحيم

Fatwa : 659-534/B=05/1440

غیر مسلم چونکہ عام طور پر تعویذ وغیرہ کے ذریعہ علاج کرنے میں کفریہ و شرکیہ منتر پڑھتے ہیں اس لئے غیر مسلم سے سحر و آسیب کا علاج کرانا درست نہیں، ہاں اگر یقینی طور پر معلوم ہو جائے کہ وہ جائز طریقے پر علاج کرتا ہے (کفریہ و شرکیہ منتر نہیں پڑھتا) تو علاج کرانے میں کوئی مضائقہ نہیں جیسا کہ غیر مسلم ڈاکٹر یا طبیب سے جسمانی علاج کرانا درست ہے۔ في ”مرقاة المفاتیح“: (بقول: إن الرقي) أي رقیة فیہا اسم صنم أو شیطان أو کلمة کفر أو غیرہا مما لایجوز شرعاً ومنہا لم یعرف معناہا (۸/۳۷۱، کتاب الطب والرقی مطبوعہ، فیصل دیوبند) وعن عوف بن مالک الأشجعي قال: کنا نرقی في الجاھلیة، فقلنا: یارسول اللہ! کیف تری فی ذلک؟ فقال: ”اعرضوا عليّ رقاکم، لابأس بالرقي مالم یکن فیہ شرک۔ رواہ مسلم۔ (مرقاة المفاتیح: ۸/۳۵۹، مطبوعہ، فیصل دیوبند)