عقائد و ایمانیات >> حدیث و سنت
سوال نمبر: 608378
سوال : قیامت تک آنے والا ہر انسان خواہ وہ حضرت محمد ﷺ پر ایمان رکھتا ہو یا نہیں رکھتا ہو وہ ان کی امت میں سے ہے ، تو کیا دجال بھی حضرت محمد ﷺ کی امت میں سے ہوگا؟
جواب نمبر: 608378
بسم الله الرحمن الرحيم
Fatwa : 621-522/B=05/1443
امت کی دو قسمیں ہیں:
(۱) امت دعوت۔ (۲) امت اجابت۔
جن لوگوں تک اسلام کی دعوت پہونچی مگر وہ نبی کریم صلی اللہ علیہ وسلم پر ایمان نہیں لائے وہ امت دعوت میں شمار ہوتے ہیں۔ اور جو لوگ ایمان لے آئے وہ امت اجابت کہے جاتے ہیں۔ دجال امت دعوت میں سے ہے جیسے دیگر مشرکین و کفار امت دعوت میں ہیں۔
واللہ تعالیٰ اعلم
دارالافتاء،
دارالعلوم دیوبند