عنوان:

كیا دورانِ نماز پیروں كے فاصلہ پر كوئی حدیث ؟

سوال:

ایسی کوئی حدیث جس میں یہ واضح ہو کہ جماعت کی نماز میں پیروں کے بیچ کم سے کم چار انگل کا فاصلہ اور زیادہ سے زیادہ ایک بالشت کا فاصلہ رکھنا چاہیے ۔

جواب نمبر: 60177414-Jan-2021 : تاریخ اشاعت

بسم الله الرحمن الرحيم

Fatwa:339-273/N=5/1442

 مختلف روایات سے اتنا معلوم ہوتا ہے کہ حالت قیام میں دونوں پیرنہ باہم ملائے جائیں اور نہ دونوں کے درمیان بہت زیادہ فاصلہ رکھا جائے؛ بلکہ درمیانی درجے کا فاصلہ ہونا چاہیے، جس کے لیے حضرات احناف نے چار انگلیوں کی مقدار مسنون قرار دی ہے؛ کیوں کہ یہ مقدار خشوع سے قریب تر ہے؛ جب کہ شوافع کی اکثر کتابوں میں ہے کہ دونوں پیروں کے درمیان ایک بالشت کے بہ قدر فاصلہ ہونا چاہیے (اعلاء السنن، مراقی الفلاح، در مختار وشامی، فتاوی تاتار خانیہ، خلاصة الفتاوی وغیرہ )۔