India
سوال # 816
(۱) براہ کرم، بتائیں کہ بیوٹی پارلر کا کام سیکھنا کیسا ہے؟ نیز، بیوٹی پارلر میں کام کرنا کیسا ہے؟
(۲) نرس کا پیشہ کیسا ہے؟ کیا از روئے اسلام عورتوں کے کے لیے درست ہے؟
Published on: Jun 28, 2007
جواب # 816
بسم الله الرحمن الرحيم
(فتوى: 366/م=362/م)
(۱) حدود کے اندر رہتے ہوئے خواتین اسلام کو آرائش و زیبائش کی اجازت ہے، لیکن موجودہ دورمیں بیوٹی پارلر کا جو پیشہ کیا جاتا ہے وہ مجموعہ مفاسد کی وجہ سے اس کا سیکھنا یا کرنا جائز نہیں۔ آپ کے مسائل او ران کا حل میں بیوٹی پارلر کی شرعی حیثیت کے عنوان سے تفصیل ملاحظہ فرمالیا جائے۔ وفي الدر المختار: قطعت شعر رأسھا أثمت ولعنت (در مختار مع الشامي: 9/583)
(۲) اگر نامحرم مردوں سے بے حجابی نہ ہو اور صرف عورتوں کی تیمارداری کا کام انجام دے تو بطورِ نرس عورت یہ خدمت کرسکتی ہے کما في الحدیث: نسقي الماء و نداوي الجرحی ونردّ القتلی.
واللہ تعالیٰ اعلم
دارالافتاء،
دارالعلوم دیوبند
اس موضوع سے متعلق دیگر سوالات
کیا ایک عورت دوسری عورت کے سامنے اپنا ستر کھول سکتی ہے؟ قرآن یا حدیث کے حوالے سے جواب دیں۔
اگر کسی عورت کو رطوبت خارج ہوتی ہو (شہوت کی وجہ سے نہیں، بلکہ عام رطوبت ہو) اور مسلسل خروج بھی نہ ہوتا ہو، وہ چار رکعت نماز بلا اس عذر کے پیش آئے ہوئے پڑھ سکتی ہے۔ کیا اسے ہر نماز کے لیے وضو کرنا ہوگا؟ اگر ہاں، تو اُس صورت میں وہ کیا کرے جب وہ گھر سے باہر ہو اور وضو کرنے کی حالت میں نہ ہو؟ کیوں کہ ہر جگہ اور ہر وقت وضو کرنا ممکن نہیں۔ اس صورت حال میں کیا وہ پہلے کے وضو سے پڑھ سکتی ہے تاکہ اس کی فرض نماز قضا نہ ہو؟ مجھے اس مسئلہ کے متعلق اشتباہ ہے۔ جلد جواب دیں۔
سماج کی موجودہ صورت حال کے پیش نظر، از روئے شریعت اسلامیہ عورتوں (شادی شدہ و غیر شادی شدہ) کے لیے کیا یہ جائز ہے کہ وہ غیر محرم مرد دکانداروں سے(کسی محرم کی عدم موجودگی میں) انڈر گارمنٹ جیسے سینہ بند، انڈر ویر، پینٹی وغیرہ سامان خریدیں؟ شادی شدہ و غیر شادی شدہ دونوں طرح کی عورتوں کے لیے اس کا حل کیا ہے؟شادی شدہ عورتوں کے لیے ان کے شوہر خریداری کرسکتے ہیں ، لیکن غیر شادی شدہ عورتوں کی خریداری وغیرہ کا ذمہ دار کون ہے، ان کی مائیں یا کوئی اور؟
حیض کے آخری دن غسل سے قبل کیا میاں بیوی ہم بستر ہوسکتے ہیں؟ کیوں کہ اس کا حیض تو ختم ہوچکا۔ یا یہ ضروری ہے کہ ہم بستر ہونے سے قبل بیوی غسل حیض سے فارغ ہوجائے؟
کیا عورتیں حیض کی حالت میں اذان کا جواب دے سکتی ہیں؟ نیز، کیا عورتیں دوران حیض صفائی (جیسے ناخن تراشنا، بال صاف کرنا) کرسکتی ہیں؟
کیا کسی عورت کے لیے جائز ہے کہ وہ برتھ کنٹرول آپریشن کروالے؟ اس سے اس کی نیت کھانے یا پیسہ بچانے کی نہیں، بلکہ مقصود صرف ذہنی سکون، صحت اور موجودہ دو تین بچوں کی صحیح تعلیم و تربیت ہے۔
کیا دوران حمل مجامعت جائز ہے؟
اگر کسی مسلم عورت کی عصمت دری ہو اور وہ اس کی وجہ سے حاملہ ہوجائے تو کیا اس کے لیے اسقاط حمل کرانا جائز ہے؟
ایک عورت کو آپریشن کے ذریعہ بچہ پیدا ہوا۔ اسے ڈاکٹروں نے بتایا کہ اب وہ بچہ جننے کے قابل نہیں رہے گی، اگر کوشش بھی کرے گی تو بچہ مرجائے گا۔ اسے تین بچے ہیں۔ اب وہ جاننا چاہتی ہے کہ کیا وہ علاج کے ذریعہ *بچہ جننے کا سلسلہ* ختم کرسکتی ہے؟ہماری شریعت میں کیا اس کی اجازت ہوگی؟
میں آپ کے ایک جواب سے متعلق سوال کرنا چاہتی ہوں۔ وہ سوال ایک لڑکی کے متعلق تھا جو ایک اسلامی مدرسے میں ایسے مرد اساتذہ سے پڑھتی تھی جو اس کو پردہ کے بغیر تعلیم دیتے تھے۔ میں بھی ایک مدرسے میں جاتی ہوں ، وہاں مرد اساتذہ (عالم و مفتی) ہمیں کسی پردے کے بغیر تعلیم دیتے ہیں لیکن ہم طالبات پردہ کرتی ہیں اور نقاب میں ہوتی ہیں۔ بہر حال ہمارے اساتذہ ہم کو نقاب پہننے پر مجبور نہیں کرتے ، بلکہ پردہ کرنے کا مدار خود ہماری ذات پر ہے۔