عبادات - حج وعمرہ

Pakistan

سوال # 161141

مکہ مکرمہ میں مقیم حج گروپ کی خدمت کرنے والے کسی ملازم کے دل میں میدان عرفات میں حج کرنے کا خیال آجائے تو کیا وہ وہیں میدان عرفات میں احرام باندھ کر حج کرسکتا ہے ؟ کیونکہ حدود حرم میں جاکر احرام باندہنا اس کے لئے مشکل ہوگا؟

Published on: Jun 4, 2018

جواب # 161141

بسم الله الرحمن الرحيم


Fatwa:825-815/D=9/1439



حج عظیم الشان عبادت ہے جس کے ارکان، فرائض اور شرائط ہیں منجملہ ان کے میقات سے احرام باندھنا بھی ہے، مکّی کے لیے حدود حرم میقات ہے، پس مذکور فی السوال شخص وہاں حج کا ارادہ نہ کرے کیونکہ احرام کے لیے اسے حدود حرم میں آنا ہوگا۔ البتہ ذکر وتلاوت جو کرسکے کرے نیز گروپ کی جانب سے جو ذمہ داری اس کے سپرد ہے اسے پورا کرے کیونکہ حاجیوں کی خدمت بھی اہم کارثواب ہے۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات