• عبادات >> اوقاف ، مساجد و مدارس

    سوال نمبر: 37213

    عنوان: كیا مسجد کیلیے وقف جگہ زمین کی تہ سے آسمان تک مسجد ہوتی ہے،

    سوال: ہم نے ایک پلاٹ خریدا ہے،اس کی بیسمنٹ اور گراؤنڈ فلور کو گودام کے لیے استعمال کرنا چاہتے ہیں، اور فرسٹ ، سیکنڈ فلور مسجد و مدرسہ کیلیے وقف کرنا چاہتے ہیں ، کیایہ صحیح ہے ؟کیوں کہ ہم نے سنا ہے کہ مسجد کیلیے وقف جگہ زمین کی تہ سے آسمان تک مسجد ہوتی ہے،کیا یہ صحیح ہے ؟ اس کے درست ہونے کی کیا صورت ہو گی ؟

    جواب نمبر: 3721301-Sep-2020 : تاریخ اشاعت

    بسم الله الرحمن الرحيم

    فتوی(م): 475=475-3/1433 آپ نے صحیح سنا ہے، مسجد نیچے سے اوپر تک کا حصہ مسجد ہی کے لیے وقف ہونا چاہیے، گراوٴنڈ فلور کا گودام اگر مصالح مسجد کے لیے تہہ خانے کے طور پر وقف ہو تو درست ہے، مملوکہ رکھنا صحیح نہیں ہے، مدرسہ کا وقف الگ ہوتا ہے اور مسجد کا الگ ، بہتر یہ ہے کہ مدرسہ کے لیے الگ مسجد سے ہٹ کر جگہ تجویز کریں۔


    واللہ تعالیٰ اعلم


    دارالافتاء،
    دارالعلوم دیوبند