متعلقہ سوالات

میرے علاقہ میں ایک مسجد ہے جس میں پانچ وقت کی نماز اورجمعہ بھی ہوتاہے۔ اب اس مسجد کے ساتھ احاطہ میں ایک بڑی مسجد تعمیر ہوئی ہے۔ پرانی مسجد کے بارے میں مسجد کی کمیٹی کا کہنا ہے کہ اس (پرانی مسجد) کی تعمیر کے وقت یہ ارادہ کیا گیا تھا کہ بڑی مسجد بنانے کے بعد اس (پرانی مسجد) کو مدرسہ یا اسٹور روم وغیرہ بنادیا جائے گا۔ یہ فرمائیں کہ (۱) کیا ایسا کرنا صحیح ہے؟ (۲) نئی مسجد میں جماعت سے نماز پڑھنے میں کوئی مضائقہ تو نہیں ہے؟

(۱)امریکہ کے ایک شہر میں مسلمانوں کو ایک گرجا گھر میں نماز پڑھنے کی اجازت ملی ہے، چونکہ وہاںآ س پاس میں مسلمانوں کو نماز ادا کرنے کے لیے کوئی مسجد نہیں ہے۔ تو کیا اس صورت میں مسلمانوں کو وہاں نماز پڑھنا جائز ہے یا نہیں؟ برائے کرم حوالہ کے ساتھ بتائیں تاکہ ہمارے طلباء کو اس کا جواب باحوالہ معلوم ہوسکے۔ طالب دعا عبدالرحمن

حضرت ہمارے محلہ میں کچھ سرکاری زمین تھی، اس پر اہل محلہ نے سرکار کی اجازت سے مسجد تعمیر کر لی۔ مسجد بنانے کے بعد کچھ زمین بچ گئی اور وہ زمین مسجد کے لیے استعمال نہیں ہوسکتی تھی۔ تو لوگوں نے سوچا کہ اس پر کچھ دکانیں بنائی جائیں تاکہ مسجد کی ضروریات پوری کی جاسکیں۔ لیکن دکانوں کے لیے اہل محلہ نے چندہ نہیں دیا۔ تب اس پر کچھ لوگوں نے اپنی جیب سے آٹھ دکانیں بنادیں۔ اس مسئلہ میں یہ اتفاق ہوا کہ دکانوں سے متعین بارہ سو روپیہ ہر مہینہ مسجد کو دئے جائیں گے تاکہ اس سے مسجد کی ضروریات پوری ہوسکیں اور باقی کرایہ وہ لوگ لیں گے جنھوں نے دکانیں بنائی تھیں۔ اب امام مسجد یہ کہتے ہیں کہ چونکہ یہ زمین وقف تھی اس لیے سارا کرایہ مسجد کو جائے گا اور وہ لوگ کرایہ نہیں لیں گے جنھوں نے دکانیں بنائی تھیں۔ جب کہ وہ لوگ کہتے ہیں کہ دکانیں تو ہم نے اپنے پیسوں سے بنائی تھیں اور اس کے لیے ہم نے چندہ نہیں کیا تھا اور ہم متعین بارہ سو روپیہ تو ہر مہینے مسجد کو دے رہے ہیں۔ اس مسئلہ پر روشنی ڈالیں۔