عبادات >> صلاة (نماز)
سوال نمبر: 605591
بیہوشی میں فوت شدہ نمازوں كا حكم
مسئلہ معلوم کرنا ہے کہ ایک شخص کا انتقال ہو گیا ہے اور تقریباً 55 دن تک وہ شخص بیہوشی کی حالت میں تھے یعنی کومہ میں تھے نماز اور روزہ کا فدیہ معلوم کرنا ہے تو برائے کرم دلیل کی روشنی میں جواب فرمائیں مہربانی ہوگی۔
جواب نمبر: 605591
بسم الله الرحمن الرحيم
Fatwa : 975-793/M=12/1442
صورت مسئولہ میں اگر شخص مرحوم تقریباً 55 دنوں تک مسلسل ایسی بے ہوشی میں مبتلا رہے کہ شعور و احساس بالکل نہیں رہا اور نماز کے بارے میں مطلع کرنے پر بھی وہ متوجہ نہیں ہوتے تھے اور اسی حالت میں انتقال کرگئے تو مرحوم کی وہ فوت شدہ نمازیں اور روزے معاف ہیں، ورثہ پر ان نمازوں اور روزوں کا فدیہ لازم نہیں۔
واللہ تعالیٰ اعلم
دارالافتاء،
دارالعلوم دیوبند