عبادات >> صلاة (نماز)
سوال نمبر: 600574
امام نے عشاء کی نماز میں پہلا قاعدہ بھولے سے چھوڑ کر مکمل کھڑا ہوگیا تب جاکر مقتدی نے لقمہ دیا امام واپس نہیں لوٹا اسلئے کہ مکمل کھڑا ہوچکاتھا اب واپس لوٹنا اچھا عمل نہیں سمجھا اور آخر میں سجدہ سہو کر کے نماز مکمل کر لیا اس صورت میں نماز ہوئی یا نہیں مدلل جواب عنایت فرمائیں۔
جواب نمبر: 600574
بسم الله الرحمن الرحيم
Fatwa : 156-80/SN=02/1442
صورتِ مسئولہ میں نماز ہوگئی، امام صاحب نے مقتدیوں کے لقمہ دینے کے باوجود نہ بیٹھ کر کوئی غلط نہیں کیا؛ بلکہ مکمل کھڑے ہو جانے کے بعد حکم ہی یہی ہے کہ واپس نہ بیٹھے؛ بلکہ آگے نماز جاری رکھے اور اخیر میں سجدہٴ سہو کرکے نماز مکمل کرے۔
سہا عن القعود الأوّل من الفرض ولو عملیا ․․․․․․ ثم تذکر عاد إلیہ ․․․․ مالم یستقم قائماً فی ظاہر المذہب وہو الأصحّ ، فتم ، وإلا أي وإن استقام قائماً لایعود لاشتغالہ بفرض القیام وسجد للسہو لترک الواجب الخ (درمختار مع الشامی: ۲/۵۴۸، ط: زکریا دیوبند)
واللہ تعالیٰ اعلم
دارالافتاء،
دارالعلوم دیوبند