متفرقات >> دیگر
سوال نمبر: 607136
جلسہ کے موقع پر کھانے کا نظم مسجد میں کرنا؟
حضرات مفتیان کرام ، درج ذیل مسئلہ میں شریعت اسلامی کیاحکم دیتی ہے کہ دینی جلسہ مسجد کے باہر کرنا اور جلسے میں آنے والوں مہمانوں کے کھانے پینے کا انتظام مسجد میں کیا جائے تو کیا ایسا کیا جا سکتاہے ؟قرآن وحدیث کی روشنی میں اس کا حکم واضح فرما کر ممنون ومشکور فرمائیں ۔
جواب نمبر: 607136
بسم الله الرحمن الرحيم
Fatwa:359-247/L=3/1443
مسجد میں کھانے کا نظم کرنے سے آدابِ مسجد کی رعایت دشوار ہوتی ہے ؛ اس لیے مناسب یہی ہے کہ جس طرح جلسہ کا انتظام خارجِ مسجد ہوتا ہے اسی طرح مہمانوں کے کھانے کا انتظام بھی خارجِ مسجد پنڈال وغیرہ لگاکر کرلیا جائے ۔لأن تعظیم المسجد واجب. (بدائع الصنائع فی ترتیب الشرائع 7/ 60)
واللہ تعالیٰ اعلم
دارالافتاء،
دارالعلوم دیوبند