متعلقہ سوالات

داڑھی كے بال منہ میں دینا

میری امی تیسرے رمضان کو وفات پاگئی ہیں۔ آج صبح فجر کی نماز سے پہلے میں نے خواب دیکھاکہ میں ایک بڑے گڑھے میں لٹکا ہوا ہوں اورمیرا بھائی اوپر کھڑا ہے اور لوگ بھی ہیں جن کو میں کہتا ہوں کہ مجھے نکالو مگر وہ نہیں نکالتے۔ پھر دیکھتا ہوں کہ امی گڑھے میں اترتی ہیں اورمجھے نکالتی ہیں اور میں امی کو پیار کرتا ہوں کہ انھوں نے مجھے نکالا۔ وہ کچھ تھکی تھکی لگتی ہیں۔ (الحمد للہ میں نے امی کی موت کے بعد داڑھی رکھ لی ہے اور شرعی پردہ بھی کرتا ہوں اور کوشش کرتاہوں کہ ہر گناہ سے بچوں)۔ برائے کرم اس خواب کی تعبیربتادیں۔

امید ہے کہ آپ خیریت سے ہوں گے۔ آپ سے ایک خواب کی تعبیر دریافت کرنی ہے جو میں نے بچپن میں دیکھا تھا یعنی بالغ ہونے سے پہلے۔ پچھلے تین سال سے میں برطانیہ میں رہتاہوں لیکن یہ خواب میں نے پاکستان میں دیکھا تھا۔بچپن میں بورڈنگ اسکول میں داخل تھا۔ خواب اس طرح ہے کہ ہمارے اسکول کی مسجد میں لوگ جماعت کے ساتھ نماز پڑھنے کے لیے کھڑے ہونا شروع ہو جاتے ہیں، میں بھی تقریباً آخری صف میں نماز کے لیے کھڑا ہوجاتاہوں کہ اتنے میں نبی پاک صلی اللہ علیہ وسلم آکر میرے ساتھ کھڑے ہوجاتے ہیں، ایسا لگتا ہے کہ آپ صلی اللہ علیہ وسلم ابھی ابھی وضو بنا کر نماز کے لیے تشریف لائے ہیں، کیوں کہ آپ صلی اللہ علیہ وسلم کا لباس مبارک کچھ کچھ گیلا ہوتا ہے جس طرح عام طور پر وضو کے بعد ہوتے ہیں۔ آپ صلی اللہ علیہ وسلم کے لباس مبارک کا رنگ خاکی رنگ سے کچھ ملتا جلتا ہوتا ہے جو میرے اندازے کے مطابق جبہ ہوتا ہے۔ جب آپ صلی اللہ علیہ وسلم میرے ساتھ کھڑے ہوجاتے ہیں میرے دائیں طرف تو میں آپ صلی اللہ علیہ وسلم کے چہرہ مبارک دیکھنے لگتا ہوں، لیکن مجھے آج تک یاد نہیں کہ آپ صلی اللہ علیہ وسلم کیسے دکھتے تھے۔