متفرقات >> دیگر
سوال نمبر: 162691
جواب نمبر: 162691
بسم الله الرحمن الرحيم
Fatwa:1340-1126/sd=11/1439
حق اور نجات کا راستہ وہ ہے جو حضور صلی اللہ علیہ وسلم اور آپ کے صحابہ کا تھا ، اسی راستے پر چلنے والوں کو اہل السنة والجماعة کہا جاتا ہے ، اب یہ راستہ چار مشہور امام اور اُن کے ماننے والوں میں منحصر ہے ، یعنی :جو شخص نجات حاصل کرنا چاہتا ہے ، اُس کو چاروں اماموں میں سے کسی ایک کا مقلد بننا ضروری ہے ، اس کے بغیر دین پر عمل پیرا ہونا اور خواہشات سے بچنا مشکل ہے اور عامی شخص کے لیے چونکہ صحیح اور غلط میں امتیاز کرنا مشکل ہے ، اس لیے اس کے لیے تو تقلید اور بھی ضروری ہے ، بر صغیر میں عموما حضرت امام ابو حنیفہ کے مسلک کی اتباع کی جاتی ہے اور مسلک حنفی کے صحیح ترجمان و شارح علمائے دیوبند ہیں، اس لیے صورت مسئولہ میں عامی شخص کو دین کے معاملے میں علمائے دیوبند پر اعتماد کرکے اُن سے راہبری حاصل کرنا چاہیے ، دلیل کے پیچھے نہیں پڑنا چاہیے ۔
واللہ تعالیٰ اعلم
دارالافتاء،
دارالعلوم دیوبند