عنوان: کیا سید ابوبکر نام رکھ سکتے ہیں؟

سوال: (۱) کیا سید ابوبکر نام رکھ سکتے ہیں؟ (۲) کیا ابوبکر نام کو صرف ابو کہہ کر پکار سکتے ہیں؟

جواب نمبر: 15584001-Sep-2020 : تاریخ اشاعت

بسم الله الرحمن الرحيم

Fatwa : 138-116/D=2/1439

(۱) جو حضرات حضرت فاطمہ رضی اللہ عنہاکی نسل سے ہوتے ہیں ان کو ”سید“ کہا جاتا ہے، لہٰذا اگر کوئی سید ہے تو سید ابوبکر نام رکھنے میں کوئی حرج کی بات نہیں ہے، اور اگر ”سید“ نہیں ہے تو صرف ”ابوبکر“ نام رکھنا چاہئے۔

(۲) جس کا نام ابوبکر ہو اسے پکارتے وقت بھی ابوبکر ہی کہنا بہتر ہے، کیونکہ کبھی آدھا نام لینے سے اس کو تکلیف ہو جاتی ہے، اور کسی کی تکلیف کا سبب بننا صحیح نہیں ہے، ہاں اگر وہ شخص ابو سے ہی متعارف ہو جائے، یا گھر والے اپنے بچے کو لاڈ پیار میں ”ابو“ کہنے لگیں تو مضائقہ نہیں۔