معاملات >> وراثت ووصیت
سوال نمبر: 603092
کرائے کی دکان میں وراثت كے سلسلے میں كیا حكم ہے؟
کرائے کی دکان کا وراثت میں کیا حکم ہے ؟کیا کرائے کی دکان ورثہ بنے گی ؟کیا کرائے کی دکان کی پگڑی وارثان میں تقسیم کی جائے گی؟ اس مسئلے کا شرعی حکم بتائیں ؟
جواب نمبر: 603092
بسم الله الرحمن الرحيم
Fatwa : 644-499/B=07/1442
مرنے والے کی اپنی ملکیت میں جو چیز ہوتی ہے اس میں وراثت جاری ہوتی ہے۔ کرایہ کی دوکان کا مالک کوئی اور ہے اس میں وراثت جاری نہ ہوگی؛ البتہ جو سامان (مال) دوکان میں ہے اس کی مالیت میں وراثت جاری ہوگی۔ پگڑی کی رقم خود ناجائز رقم ہے، لینے والا اس کا مالک نہیں۔ اس کے لئے وہ مال حرام ہے اس لئے اس میں بھی وراثت جاری نہ ہوگی۔
واللہ تعالیٰ اعلم
دارالافتاء،
دارالعلوم دیوبند