متفرقات >> حلال و حرام
سوال نمبر: 46036
جواب نمبر: 46036
بسم الله الرحمن الرحيم
فتوی: 1056-1033/N=9/1434 اہل مدرسہ کا صبح مدرسہ میں آغاز تعلیم کے وقت کچھ بچوں سے لاوٴڈ اسپیکر پر دعا پڑھوانا شرعی اعتبار سے جائز عمل نہیں ہے کیونکہ اس میں ایک تو لاوٴڈ اسپیکر اور بجلی یا بیٹری وغیرہ کا بے جا استعمال ہے، دوسرے مسلمانوں کو اذیت وتکلیف پہنچانا بالخصوص بیمار لوگوں کو اور تیسرے دعا جیسی عظیم عبادت کی یک گونہ بے ادبی کا سبب بننا کیونکہ عام طور پر لوگ اس کے سننے کا اہتمام نہیں کرتے ہیں، بلکہ اپنے دیگر کاموں میں مصروف رہتے ہیں اور ایک دوسرے سے بات چیت بھی کرتے رہتے ہیں۔
واللہ تعالیٰ اعلم
دارالافتاء،
دارالعلوم دیوبند