متفرقات >> حلال و حرام
سوال نمبر: 10289
کیا ہم جان بچانے کے لیے چوری کرسکتے ہیں جب کہ ہمارے پاس کھانا خریدنے کے لیے پیسہ نہ ہو؟
کیا ہم جان بچانے کے لیے چوری کرسکتے ہیں جب کہ ہمارے پاس کھانا خریدنے کے لیے پیسہ نہ ہو؟
جواب نمبر: 10289
بسم الله الرحمن الرحيم
فتوی: 124=124/ م
اگر کھانا خریدنے کے لیے پیسہ نہ ہو تو کسی سے قرض لے لیجیے، اور اگر کوئی قرض نہ دیتا ہو، اور آپ کے پاس کوئی سامان یا ضرورت سے زائد کپڑا وغیرہ موجود ہو، تو اس کو فروخت کرکے کھانا حاصل کیجیے، اور اگر یہ صورت بھی ممکن نہ ہو، یعنی آپ کے پاس کچھ بھی نہیں ہے، کوئی قرض بھی دینے والا نہیں ہے اور بھوک کی شدت سے جان کا خطرہ لاحق ہے، تو ایسی اضطراری حالت میں جان بچانے کی غرض سے بقدر ضرورت چوری کی گنجائش ہے، لیکن بعد میں جب قدرت ہوجائے تو بعینہ وہی چیز یا اس کی قیمت مالک کو واپس کردینا ضروری ہے۔
واللہ تعالیٰ اعلم
دارالافتاء،
دارالعلوم دیوبند