عنوان:

میں اس سال اپنے شوہر کے ساتھ حج کرنے کا ارادہ کئے ہوئے ہوں اور فارم بھردیا ہے مجھے یہ بتائیں کہ ناپاکی کی حالت میں کیا کیا نہیں کرسکتے، او رجو ارکان بحالت حیض چھوٹ جائیں ان کو کس طرح سے او رکب پورا کریں گے؟ از راہ کرم کوئی ایسی جامع کتاب بتائیں جس میں اس طرح کے تمام مسائل آسان اردو میں دئے ہوئے ہوں خاص طور پر عورتوں کے مسائل ۔

سوال:

میں اس سال اپنے شوہر کے ساتھ حج کرنے کا ارادہ کئے ہوئے ہوں اور فارم بھردیا ہے مجھے یہ بتائیں کہ ناپاکی کی حالت میں کیا کیا نہیں کرسکتے، او رجو ارکان بحالت حیض چھوٹ جائیں ان کو کس طرح سے او رکب پورا کریں گے؟ از راہ کرم کوئی ایسی جامع کتاب بتائیں جس میں اس طرح کے تمام مسائل آسان اردو میں دئے ہوئے ہوں خاص طور پر عورتوں کے مسائل ۔

جواب نمبر: 2183631-Aug-2020 : تاریخ اشاعت

بسم الله الرحمن الرحيم

فتوی(ب): 785=626-5/1431

ماہواری کی حالت میں احرام باندھنا، وقوف عرفات، وقوفِ مزدلفہ، میدان منیٰ میں رمی جمار، صفا مروہ کی سعی وغیرہ تمام امور بلاکراہت جائز ہیں لیکن طواف کرنا جائز نہیں: فلو حاضت قبل الإحرام اغتسلت وأحرمت وشہدت جمیع المناسک إلا الطواف (غنیہ جدید: ۹۴) دورانِ طواف اگر حیض آجائے تو طواف کو وہیں موقوف کردے اور پاک ہونے کے بعد طواف کا اعادہ کرے، اور دورانِ سعی ماہواری آجائے تو ایسی حالت میں سعی مکمل کرسکتی ہے۔ آپ ?انوار مناسک? موٴلفہ مفتی شبیر احمد صاحب قاسمی مرادآباد، کا مطالعہ کریں ان شاء اللہ وہ بہت مفید ثابت ہوگی۔