متفرقات >> دعاء و استغفار
سوال نمبر: 606492
نیند میں ہاتھ پیر جکڑے ہوئے محسوس ہونا
حضرت میں جب نیند میں ہوتا ہو تو مجھے ایسا محسوس ہوتا کی کوئی میرے ہاتھ پیر چہرہ آنکھ کو پکڑتا ہے نہ میرے ہاتھ پیر ہلتے ہے نہ میں کچھ بول پاتا نہ میری آنکھ کھلتی ہے میں کوشش کرتا ہوں ہاتھ پیر ہلانے کی کچھ بولنے کی لیکن میں ہل نہیں پاتا اور ایک چیخ کے ساتھ میری آنکھ کھلتی ہے میں سب عمل کرکے سوتا ہوں۔
جواب نمبر: 606492
بسم الله الرحمن الرحيم
Fatwa : 210-92/SN=02/1443
یہ ایک بیماری ہے، آپ اس سلسلے میں کسی تجربہ کار حکیم سے ملیں اور ان کے مشورے کے مطابق علاج کرائیں اور ساتھ ساتھ رات کو باوضو اور دائیں کروٹ سونے کا معمول بنائیں نیز سوتے وقت آیة الکرسی اور معوذتین پڑھ کر اپنے اوپر دَم کرلیا کریں، ان کو تنہا سونے کے بہ جائے کسی ایسے کمرے میں سونے کی کوشش کریں جہاں اور کوئی بھی سوتا ہو، ایسا کرنے سے ان شاء اللہ یہ عارضہ جاتا رہے گا۔
واللہ تعالیٰ اعلم
دارالافتاء،
دارالعلوم دیوبند