عنوان:

اپنی پسند کے رشتہ کے لئے کوئی عمل بتلادیں

سوال:

حضرت میرے گھر والوں نے میرا رشتہ کردیا ہے اور جس لڑکی سے رشتہ کیا ہے وہ انگریزی پڑھی ہوئی ہے اور مجھے یہ رشتہ پسند نہیں ہے اسلئے کہ میں ایک ایسی لڑکی سے شادی کرنا چاہتا ہوں جوکہ عالمہ ہے اور حافظِ قرآن بھی ہے بندہ کے لئے کوئی ایسا عمل یا کوئی ایسی تدبیر بتائیں کہ جہاں پر گھر والوں نے رشتہ کیا ہے وہ رشتہ ختم ہوجائے اسلئے کہ اگر میرا رشتہ وہاں پر ہوگیا تو میں کبھی بھی ان کے ساتھ خوش نہیں رہ پاؤں گا اور ہمارے گھر والے بہت سخت ہیں میں ان سے کچھ کہہ بھی نہیں سکتا لہٰذا حضرت آپ ہی کوئی ایسا عمل یا کوئی ایسی دعا بتادیں کہ لڑکی والے خود ہی رشتہ ہٹالیں اگر یہ رشتہ کسی طرح ہٹ گیا تو ان عالمہ سے میرا رشتہ اور شادی ممکن ہے ازراہِ کرم شفقت اور نظرِ کرم فرما کر جواب عنایت فرمائیں․ اللّٰہ تعالٰی آپکے علم میں اور عمر خوب ترقی عطاء فرمائے ..․ آمین یارب العالمین

جواب نمبر: 60343908-Mar-2021 : تاریخ اشاعت

بسم الله الرحمن الرحيم

Fatwa : 791-566/H=07/1442

 رشتہ کے معاملہ میں اپنی رائے کو ہی پتھر کی لکیر نہ سمجھیں استخارہ بھی کرلیں اور بہتر یہ ہی ہے کہ والدین سے مستغنی ہوکر نکاح نہ کریں، بہتر جگہ نکاح ہونے کے لئے اللہ پاک سے دعاء بھی کرتے رہیں اللہ پاک ہر خیر سے نوازے، ہر شر سے حفاظت فرمائے ۔ آمین