عنوان: تمنا کا حصول

سوال: میرا سوال یہ ہے کہ اگر کوئی شدید دلی تمنا ہو،اور ہم اسے حاصل کرنا چاہتے ہوں تو اسے حاصل کرنے کیلیے کوئی بہترین طریقہ بتلائیں جس سے میری دعا قبول ہو جائے اور اللہ میری تمنا پوری کر دے ۔ تمنا بالکل جائز ہے ۔ میری ایک تمنا یہ بھی ہے کہ کسی نہ کسی دن خواب میں حضورﷺ کی زیارت کروں۔اس کیلیے بھی بہترین طریقہ بتلائیے ۔ اسی نوعیت کا میرا ایک اور سوال ہے کہ جس طرح ہم خواب میں حضورﷺ کی زیارت کرسکتے ہیں،کیا اسی طرح کسی مرحوم ولی جن سے ہمیں بہت محبت اور عقیدت ہو کو خواب میں دیکھ سکتے ہیں؟ بہت بہت شکریہ۔جزاک اللہ، اللہ آپ سب کو جزائے خیر دے ۔آمین۔

جواب نمبر: 5709301-Sep-2020 : تاریخ اشاعت

بسم الله الرحمن الرحيم

Fatwa ID: 109-103/H=3/1436-U (۱) تواضع تقویٰ، طہارت انابت الی اللہ میں اعلیٰ درجہ اختیار کرنے میں پوری سعی کریں، اللہ پاک کی قضا وقدر پر راضی رہیں، کسی متبع سنت شیخ کامل کا دامن مضبوط تھام لیں، اس کی ہدایات کوحرزِ جان بنالیں۔ (۲) (۳) حضرت شیح الحدیث مولانا زکریا صاحب مہاجر مدنی رحمہ اللہ تعالی رحمة واسعہ کی کتبِ فضائل یعنی فضائل اعمال اور فضائل صدقات بالخصوص فضائل درود شریف کا مطالعہ بہت غور وخوض سے بکثرت کیا کریں، کم ازکم دو گھنٹے روزانہ اس کے لیے فارغ کرلیں۔