• معاشرت >> لباس و وضع قطع

    سوال نمبر: 33217

    عنوان: سنتی لباس میں کوئی خاص قسم کا کوٹن استعمال کیا جانا چاہئے یا کوٹن کی کوئی بھی قسم استعمال کی جاسکتی ہے؟

    سوال: (۱)جھومبا(شاید جبہ) او ر لنگی کیا ہے؟ اور کس طرح سے وہ شلوار قمیص سے مختلف ہے؟ (۲) سفید لباس سنت ہے؟ (۳) میں نے یہ بھی سنا ہے کہ کرتے میں ایک بٹن کاہونا سنت ہے نیز اور دونوں جانب کوئی الگ الگ حصہ نہ ہو، یہ بات کہاں تک صحیح ہے؟ (۴) سنتی لباس میں کوئی خاص قسم کا کوٹن استعمال کیا جانا چاہئے یا کوٹن کی کوئی بھی قسم استعمال کی جاسکتی ہے؟

    جواب نمبر: 33217

    بسم الله الرحمن الرحيم

    فتوی(ب): 1083=914-8/1432 جبہ وہ لمبا کرتا ہوتا ہے جس کو عرب لوگ عام طور پر پہنتے ہیں جس کی لمبائی ٹخنوں تک ہوتی ہے اور دائیں بائیں طرف کا دامن چاک نہیں ہوتا بلکہ سلا ہوا ہوتا ہے۔ شلوار سے مختلف ہوتا ہے، شلوار تو پاجامہ کو کہتے ہیں، قمیص جو مروج ہے اس سے مختلف ہوتا ہے۔ (۲) جی ہاں سفید لباس بہتر اور اولیٰ ہے۔ (۳) ہمارے سامنے ایسی کوئی روایت موجود نہیں ہے۔ (۴) کاٹن کی کوئی قسم بھی استعمال کی جاسکتی ہے، کوئی مخصوص کاٹن کا ذکر نہیں ملتا ہاں موٹا کاٹن حلاوتِ ایمانی کی علامت بتائی گئی ہے۔


    واللہ تعالیٰ اعلم


    دارالافتاء،
    دارالعلوم دیوبند