معاشرت >> لباس و وضع قطع
سوال نمبر: 11367
کیا فرماتے ہیں علمائے دین اس مسئلہ پر سونے کی انگوٹھی تو مرد کے لیے حرام ہے چاندی کی انگوٹھی کی اجازت اوراس کی شرعی حیثیت کیا ہے؟ اور آج کل دیگر دھات جیسے لوہا، تانبہ، پیتل یا رولڈ سونا کی انگوٹھی کا رواج ہوتا جارہا ہے۔ اس کی شرعی حیثیت کیا ہے؟ اور چاندی کی انگوٹھی پہننا سنت ہے تو وہ کس مقدار تک جائز ہے اس پر نگ استعمال کرسکتے ہیں یا نہیں اور وہ کون سی انگلی میں پہننے کی اجازت ہے؟
کیا فرماتے ہیں علمائے دین اس مسئلہ پر سونے کی انگوٹھی تو مرد کے لیے حرام ہے چاندی کی انگوٹھی کی اجازت اوراس کی شرعی حیثیت کیا ہے؟ اور آج کل دیگر دھات جیسے لوہا، تانبہ، پیتل یا رولڈ سونا کی انگوٹھی کا رواج ہوتا جارہا ہے۔ اس کی شرعی حیثیت کیا ہے؟ اور چاندی کی انگوٹھی پہننا سنت ہے تو وہ کس مقدار تک جائز ہے اس پر نگ استعمال کرسکتے ہیں یا نہیں اور وہ کون سی انگلی میں پہننے کی اجازت ہے؟
جواب نمبر: 11367
بسم الله الرحمن الرحيم
فتوی: 330=306/ب
مردوں کے لیے صرف چاندی کی انگوٹھی جائز ہے، وہ بھی اس وقت جب کہ وزن میں ساڑھے چار ماشے سے کم ہو، چاندی کے علاوہ کسی اور دھات کی انگوٹھی پہننا جائز نہیں۔ اپنے داہنے ہاتھ کی سب سے چھوٹی انگلی میں یا اس سے برابر والی انگلی میں پہن لے۔
واللہ تعالیٰ اعلم
دارالافتاء،
دارالعلوم دیوبند