عبادات >> صلاة (نماز)
سوال نمبر: 608140
بیدر میں میزان کیلنڈر اور ڈیجیٹل گھڑی میں کس کے اوقات الصلوة کا اعتبار کیا جائے؟
میرا سوال ہے کہ فجرکا وقت آخری وقت کونسا ہے ؟ ہماری مسجد میں کیلنڈر ہے ' میزان' جس میں فجر کا آخری وقت 6 : 28 ، اے ایم اور مسجد میں ہی ڈیجیٹل گھڑی ہے جس میں آخری وقت 6 : 34ام تو میرا سوال ہے کہ فجر کی نماز کب تک پڑھنی ہے ؟
جواب نمبر: 608140
بسم الله الرحمن الرحيم
Fatwa:263-189/H-Mulhaqa=5/1443
میزان کیلنڈر اور ڈیجیٹل گھڑی دونوں کا علاقے کی کسی ایسی قدیم ومعتبر جنتری سے موازنہ کیا جائے، جس میں صبح صادق کے اوقات کی تخریج ۱۸/ ڈگری صبح صادق کے حساب پر کی گئی ہو، پھر دونوں میں جو قدیم جنتری کے موافق ہو، اُس کا اعتبار کیا جائے ، یعنی: اس کے مطابق ختم فجر (طلوع آفتاب) کا جو وقت ہو، اُس سے ایک، دو منٹ پہلے فجر کی نماز مکمل کرلی جائے۔
واللہ تعالیٰ اعلم
دارالافتاء،
دارالعلوم دیوبند