عنوان: نماز پڑھتے والے پر اللہ تعالٰی کے انعام

سوال: میں نے کچھ تحریر پڑھی ہیں کہ حدیث شریف میں جس نے فجر کی نماز ترک کی اس کے چہرے سے نور ہٹا دیا جاتا ہے اسی طرح پانچوں نمازوں کے لئے مختلف اخکام ہیں۔ اسی طرح دوسری حدیث بیان کی جاتی ہے کہ نماز پڑھتے والے پر اللہ تعالٰی کے پانچ انعام۔۔۔۔۱ رزق کی تنگی سے نجات، پل صراط سے تیزی سے گزرنا، عذاب قبر سے نجات ۔ میں ان دونوں حدیثوں کی صحت اور حدیث کی کتابوں کا حوالہ جاننا چاہتا ہوں۔ خدا جزائے خیر عطا فرمائے

جواب نمبر: 4262001-Sep-2020 : تاریخ اشاعت

بسم الله الرحمن الرحيم

فتوی: 157-157/M=2/1434 پہلی حدیث تو ہمیں تلاشِ بسیار کے بعد بھی نہ مل سکی، البتہ دوسری حدیث علامہ ذہبی رحمہ اللہ نے اپنی مشہور کتاب ”الکبائر“ میں ذکر کی ہے۔ (ملاحظہ ہو الکبائر: ۴۱، ط: دار احیاء العلوم بیروت) اور حضرت شیخ الحدیث مولانا محمد زکریا صاحب رحمہ اللہ نے فضائل اعمال جلد اول میں بھی ذکر کیا ہے، اور اس کے متعلق کلام بھی کیا ہے، چنانچہ لکھتے ہیں: یہ حدیث پوری اگرچہ عام کتب حدیث میں مجھے نہیں ملی لیکن اس میں جتنی قسم کے ثواب اور عذاب ذکر کیے کئے ہیں، ان کی اکثر کی تائید بہت سی روایات سے ہوتی ہے․․․ (ملاحظہ ہو، فضائل اعمال جلد اول ص:۲۱۴، ط: یاسین بکڈپو دہلی)