عنوان:

کیا مسبوق کے لیے سورہٴ فاتحہ کے ساتھ سورہ ملانا بھی ضروری ہے

سوال:

سوال : جس شخص کی نماز میں ایک رکعت یا دو رکعت چھوٹ جائے تو امام کے سلام پھیرنے کے بعد کیا وہ وہ کھڑے ہو کر صرف سورہ فاتحہ پڑھے گا یا اس کے ساتھ کوئی دوسری سورت کو بھی ملائے گا ؟برائے کرم مکمل رہنمائی فرمائیں۔

جواب نمبر: 60786909-Dec-2021 : تاریخ اشاعت

بسم الله الرحمن الرحيم

Fatwa : 504-409/B=05/1443

 چار رکعت والی نماز میں کسی نے دوسری یا تیسری رکعت میں امام کے ساتھ شرکت کی تو امام کے سلام پھیرنے کے بعد جب اٹھے گا تو پہلے ثناء پڑھے گا پھر اعوذ باللہ، بسم اللہ پڑھ کر سورہٴ فاتحہ اور کوئی سورہ بھی پڑھے گا۔ پہلی یا دوسری رکعت کے چھوٹ جانے پر صرف سورہٴ فاتحہ پڑھنے پر اکتفاء نہیں کرنا ہے؛ بلکہ کوئی اور سورت بھی ملانا ضروری ہے۔