عبادات >> صلاة (نماز)
سوال نمبر: 605026
گراؤنڈ فلور میں قبریں ہو تو فرسٹ فلور میں نماز پڑھنا درست ہے یا نہیں؟
میرے گھر کے سامنے ایک مسجد ہے، ابھی حال ہی میں مسجد بنائی گئی ہے کچھ توسیع کے ساتھ، اب مسجد کے نیچے دو قبریں ہیں، وہ قبریں مسجد کے نیچے گراؤنڈ فلور میں ایک کونے میں ہیں اور ان کو ایک بڑی دیوار سے گھیر دیا گیاہے اوروہاں وضو خانہ بنایا گیاہے، امام مسجد کے فرسٹ فلور میں نماز پڑھاتے ہیں، کیا اس مسجد میں نماز حلال ہوگی؟ کچھ لوگ کہتے ہیں کہ نبی کریم صلی اللہ علیہ وسلم نے ایسی مسجد میں نماز پڑھنے سے منع کیا ہے جو قبر کے اوپر بنی ہوئی ہو۔ براہ کرم، اس بارے میں رہنمائی فرمائیں۔
جواب نمبر: 605026
بسم الله الرحمن الرحيم
Fatwa : 1254-894/H=11/1442
صورت مسئولہ میں مذکور فی المسجد میں نماز اداء کرنا بلاکراہت درست ہے گراوٴنڈ فلور کے ایک کونے میں دو قبروں (جن کو دیوار سے گھیر دیا گیا ہے) کی وجہ سے نماز مکروہ نہ ہوگی۔ جو لوگ کوئی حدیث پیش کرتے ہیں ان سے کہیں وہ حدیث شریف مع حوالہ لکھ دیں، اس کے بعد ان شاء اللہ تفصیل سے جواب لکھ دیا جائے گا۔
واللہ تعالیٰ اعلم
دارالافتاء،
دارالعلوم دیوبند