عنوان: نماز كے دوران اگر امام روپڑے تو كیا نماز پر كوئی اثر پڑے گا؟

سوال:

ایک شخص ہے جو فجر کی نماز کی امامت کر رہا ہے اور سورت الحاقہ کی تلاوت کر رہا ہے ۔ تلاوت کے دوران وہ نہ چھتے ہوئے بھی روپڑتا ہے ۔ پوری نماز میں وہ شخص روتا رہتا ہے ۔کیا اس کی وجہ سے امام کی اور مقتدیوں کی نماز میں کوئی فرق پڑے گا اور کیا اس شخص کا یہ رونے کا عمل ریاکاری اور دکھلاوا میں شمار ہوگا؟

جواب نمبر: 60017913-Oct-2020 : تاریخ اشاعت

بسم الله الرحمن الرحيم

Fatwa : 107-101/B=02/1442

 اگر قیامت کے احوال و مناظر کے تصور سے رُو پڑتا ہے اور کسی کلام کی آواز زبان سے نہیں نکلی اور قرأة صحیح کر لیتا ہے اور نماز بھی صحیح پڑھ لیتا ہے تو امام اور مقتدی کی نماز میں کوئی فرق نہیں پڑے گا۔ دونوں کی نماز صحیح ہو جائے گی۔ ہمیں کسی کے دل کا حال معلوم نہیں، اس لئے ریاکاری پر محمول کرنا مشکل ہے۔