عبادات >> ذبیحہ وقربانی
سوال نمبر: 607203
کسی جانور کے لیے قربانی کی نیت کرنے سے قربانی کرنا واجب نہ ہوگا
کیا فرماتے ہیں علماء شرع مسئلہ ذیل کے بارے میں کہ زید کے گھر میں ایک بکری تھی ،اس نے نیت کی کہ میں اس بکری کو قربانی کروں گا ، تو اب محض اس نیت کی وجہ سے اس پر ، اس بکری کی قربانی کرنا واجب ہے یا نہیں؟؟ بینو ا توجروا
جواب نمبر: 607203
بسم الله الرحمن الرحيم
Fatwa:63-46/D-Mulhaqa=4/1443
صورت مسئولہ میں محض قربانی کی نیت کرنے کی وجہ سے زید پر قربانی واجب نہیں ہوگی خواہ زید غنی ہو یاغریب ۔
ولو ملک انسان شاة فنوی ان یضحی بہا او اشتری ولم ینو الاضحیة وقت الشراء ثم نوی بعد ذالک ان یضحی لا یجب علیہ سواء کان غنیاً او فقیرا (الفتاوی الہندیة: ۲۹۱/۵، کتاب الاضحیة، دار الفکر، بیروت )
واللہ تعالیٰ اعلم
دارالافتاء،
دارالعلوم دیوبند