معاملات >> دیگر معاملات
سوال نمبر: 37825
جواب نمبر: 37825
بسم الله الرحمن الرحيم
فتوی: 557-86/B=4/1433 آج کل مائیکروسافٹ کمپنی کی اوریجنل سی ڈی بمشکل ۲ فیصد لوگ استعمال کرنے والے ہوں گے ۹۸ فیصد لوکل سی ڈی ہی استعمال کرتے ہیں اور کمپنی کو بھی اس کا علم ہے مگر یہ ایسا ابتلاء عام ہے کہ کمپنی اگر اپنے قانون کی خلاف ورزی پر کیس بھی کرنا چاہے تو اَن گنت لوگوں پر کیس کرنا اس کے لیے مشکل ہے اس لیے کمپنی خاموش ہے، اس کی خاموشی دلالةً اس کی طرف سے یک گونہ اجازت تصور کی جائے گی، لہٰذا آپ کے لیے کم پیسوں میں لوکل سی ڈی لے کر انٹرنیٹ میں ونڈوز استعمال کرنے کی گنجائش ہے۔ (۲) جب آپ نے موبائل خریدلیا تو آپ اس کے مالک ومختار ہوگئے، اس کی مرمت کرانے، اس کے پرزے بدلوانے اور اس کی سم بدلوانے میں بھی آپ خود مختار ہیں، شرعاً اس میں کوئی قباحت نہیں، اگر آپ نے ٹاٹا کمپنی کا موبائل خریدا اور اس کا لوک توڑدیا تاکہ اس میں رِلائنس کا سم میں لگایا جاسکے، تو اس میں بھی شرعاً کوئی حرج نہیں ہے۔ آپ اپنے مملوکہ موبائل میں اس طرح کا تصرف کرسکتے ہیں۔
واللہ تعالیٰ اعلم
دارالافتاء،
دارالعلوم دیوبند