عنوان: حرمت مصاہرت ثابت ہونے کے لیے كیا شرائط ہیں؟

سوال: اگر کوئی شخص اپنی خالہ کو شہوت کے ساتھ چھولے اورمنی خارج ہوجائے تو کیا حرمت مصاہرت ثابت ہوجائے گی؟یعنی وہ شخص اس خالہ کی لڑکی سے شادی نہیں کرسکے گایا نہیں ؟ اگر نہیں تو کیا توبہ اور استغفار کے ذریعہ کے اس خالہ کی لڑکی سے شادی کرنے کا کوئی طریقہ ہے؟

جواب نمبر: 5753601-Sep-2020 : تاریخ اشاعت

بسم الله الرحمن الرحيم

Fatwa ID: 291-288/B=4/1436-U

حرمت مصاہرت ثابت ہونے کے لیے پہلی شرط یہ ہے کہ کھلے جسم چھوئے، دوسری شرط یہ ہے کہ شہوت کے ساتھ چھوئے، تیسری شرط یہ ہے کہ چھونے کے بعد شہوت میں خوب زیادتی پیدا ہوجائے، اگر چھونے کے بعد فوراً منی نکل گئی تو منی نکلنے سے شہوت ختم ہوجاتی ہے، لہٰذا یہاں تیسری شرط نہیں پائی گئی تو حرمت مصاہرت ثابت نہ ہوئی، خالہ کی لڑکی سے نکاح درست رہے گا۔