معاشرت >> نکاح
سوال نمبر: 19365
بھانجی
سے نکاح جائز نہیں؟
بھانجی
سے نکاح جائز ہے یا نہیں، اگر جائز نہیں ہے تو اس کے پیچھے کیا حکمت ہے؟ برائے کرم
میری مدد فرماویں کیوں کہ میرا دوست بہت دنوں سے یہ سوال پوچھنے کے لیے اصرار
کررہا ہے؟
جواب نمبر: 19365
بسم الله الرحمن الرحيم
فتوی(د): 192=168-2/1431
اپنی حقیقی بھانجی سے نکاح کرنا حرام ہے، خواہ عینی ہو یا علاتی یا اخیافی، اللہ تعالیٰ نے قرآن پاک میں جن عورتوں سے نکاح کرنے کو حرام قرار دیا ہے ان میں بھانجیاں بھی شامل ہیں، [حُرِّمَتْ عَلَیْکُمْ ․․․ وَبَنَاتُ الاُخْتِ (نساء: ۲۳) اللہ تعالیٰ کا حکم فرمادینا سب حکمتوں پر حاوی ہے، اس کے بعد حکمت کی تلاش غیرضروری ہے، بلکہ بسا اوقات مضر ہے۔
واللہ تعالیٰ اعلم
دارالافتاء،
دارالعلوم دیوبند