عنوان: وانیا نام کیسا ہے ؟

سوال: میری بھانجی کا نام وانیا ہے ۔ کیا یہ نام صحیح ہے ؟ اسے رکھ سکتے ہیں؟ اس نام کا مطلب کیا ہے ؟ میں نے نیٹ پر دیکھا تھا اس نام کا مطلب \"اللہ کا تحفہ \" یہ عبرانی نام ہے ایسا وہاں لکھا تھا کیا یہ صحیح ہے ؟

جواب نمبر: 14851101-Sep-2020 : تاریخ اشاعت

بسم الله الرحمن الرحيم

Fatwa ID: 550-500/SN=5/1438

”عبرانی“ زبان سے ہم واقف نہیں ہیں؛ اس لیے ”وانیا“ کا ”عبرانی“ میں کیا معنی ہیں ہم نہیں بتا سکتے؛ البتہ عربی زبان میں ”وَانِیَةٌ“ (اسم فاعل مونث) لفظ ملتا ہے، اس کا معنی ہے، کمزور عورت، اس معنی کے لحاط سے یہ نام اچھا نہیں ہے؛ لہٰذا اگر بدل سکتے ہوں تو بدل دیں، اس کے بہ جائے ”وسیمة“ (خوبصورت) ولیة (دوست) یُمنیٰ (بابرکت) ادیبہ (باسلیقہ) یا ازواج مطہرات اور بناتِ طاہرات کے ناموں میں سے کوئی نام رکھ دیں۔