عنوان:

میں اپنا ایکسپورٹ کا بزنس کیسے چلاؤں جب کہ اس میں سود میں ملوث ہونا پایا جاتا ہے؟ 

سوال:

موجودہ صورت حال میں جب کہ دنیا کی تجارت کی بنیاد سود پر ہے ، ہر ملک سود میں ملوث ہے، میں چند سوالات کرنا چاہتا ہوں:

(۱) میں اپنا ایکسپورٹ کا بزنس کیسے چلاؤں جب کہ اس میں سود میں ملوث ہونا پایا جاتا ہے؟

(۲) ٹیکس سے بچنے کے لیے کیا میں گورنمنٹ سے جھوٹ بول سکتا ہوں؟

(۳) کیا میں کار خریدنے کے لیے یا گھر بنانے کے لیے سودی لون لے سکتا ہوں؟

جواب نمبر: 236810-Oct-2023 : تاریخ اشاعت

بسم الله الرحمن الرحيم

فتوی: 743/ ب= 685/ ب

(۱) دین اسلام میں سود حرام ہے، قرآن کریم میں ہے: اَحَلَّ اللّٰہُ الْبَیْعَ وَ حَرَّمَ الرِّبٰوا (بقرہ) مسلمانوں پر لازم اور ضروری ہے کہ ہرایسے کاروبار، بزنس سے احتراز کرے جس میں سودی لین دین ہو اورحلال آمدنی کی فکر کرے۔ قرآن کریم میں ہے کُلُوْا مِنْ طَیِّبٰتِ مَا کَسَبْتُمْ البتہ جائز کاروبار میں لین دین کے دوران تھوڑی بہت سود کی آمیزش ہوجائے تو سودی رقم بلانیت ثواب صدقہ کردے اوراللہ سے توبہ کرے۔

(۲) جھوٹ بولنا شرعاً ناجائز ہے اس لیے ٹیکس سے بچنے کے لیے حکومت سے جھوٹ بولنا جائز نہیں ہے، البتہ بطور حیلہ گھما پھراکر بات کہنے کی گنجائش ہے۔ لیکن ہرشہری پر یہ اخلاقی فریضہ ہے کہ جائز ٹیکس حکومت کو ادا کرے تاکہ انسانوں کی ضروریات کا انتظام کرسکے۔