عنوان: صحیح احادیث سے حضور صلی اللہ علیہ وسلم پر سلام بھیجنے کا کیا طریقہ ہے؟” مصطفی جان رحمت پہ لاکھوں سلام“اس کا پڑھنا کیسا ہے؟

سوال: صحیح احادیث سے حضور صلی اللہ علیہ وسلم پر سلام بھیجنے کا کیا طریقہ ہے؟” مصطفی جان رحمت پہ لاکھوں سلام“اس کا پڑھنا کیسا ہے؟

جواب نمبر: 3049001-Sep-2020 : تاریخ اشاعت

بسم الله الرحمن الرحيم

فتوی(م): 521=521-4/1432 جب روضہٴ اقدس کے پاس کھڑے ہوں تو درود وسلام اس طرح کریں: الصلاة والسلامُ علیکَ یا رسولَ اللہ اور دور سے درود و سلام بھیجنا ہو تو اس طرح کہیں: اللّٰہمَّ صلّ علی محمد وعلی آل محمد إلخ پوری درود شریف جو نماز میں پڑھتے ہیں یعنی درود ابراہیمی وہ اور اس کے علاوہ احادیث میں مختلف صیغوں کے ساتھ جو درود منقول ہیں، ان سب کو پڑھ سکتے ہیں، دور سے بھیجنے میں یہ عقیدہ ہونا چاہیے کہ فرشتے اس کو پہنچاتے ہیں اور انفرادی طور پر آداب ومستحبات کی رعایت کے ساتھ پڑھنا چاہیے، ”مصطفی جان رحمت پر لاکھوں سلام“ اس کے تمام اشعار لکھ کر سوال کریں۔