متعلقہ سوالات

میرے ابو کے جسم کا بایاں حصہ وقت کے ساتھ ساتھ ختم ہوتا جارہا ہے۔ ڈاکٹر کہتا ہے کہ یہ لمبا علاج ہے، لیکن وہ دن بدن کمزور ہوتے جارہے ہیں۔ دوائی بھی نہیں کھائی جاتی۔ آپ سے گزارش ہے خصوصی دعا فرمائیں اور کوئی وظیفہ عنایت فرماویں۔

ہم بھائی بہن ہیں ، والدین بھی باحیات ہیں۔ میرے بھائی کی شادی ہوئی، ان کی بیوی ان کے گھر والے لیمن پر عقائد رکھتے ہیں یعنی عملیات کرتے ہیں۔ ہمارے گھر میں بھی کئی باران کے روم میں لیمن، ہلدی، تیل وغیرہ نکلے ہیں۔ والدین اور رشتہ دار ان پر شک کرتے ہیں، کیا اس طرح شک کرنا صحیح ہے؟ اب میری باجی کی شادی نہیں ہورہی ہے، کئی پیام جڑے ، لیکن آخر وقت میں ٹوٹ گئے تو سب کو شک ہے وہ لوگ کچھ عملیات کرتے ہوں گے، کیوں کہ ہمارے فوٹو ان لوگوں کے پاس سے نکلے۔ اب سب پریشان ہیں۔ میرے بھائی لوگوں کی ملازمت ختم ہوگئی ہے۔ ہماری پریشانی کا کچھ حل بتائیں ۔ہم کو اللہ کی ذات پر یقین ہے، لیکن نبی اکرم صلی اللہ علیہ وسلم پر بھی جادو کیا گیاتھا۔ اللہ ہم سب کی مدد کرے۔ آپ ہم کو، باجی اور بھائیوں کو کوئی وظیفہ یا عمل بتائیں۔

عرض یہ ہے کہ بنگلور میں ہماری ایک مسجد میں تقریباً دومہینوں سے فرض نمازوں کے بعد سری دعا ہوتی ہے۔ الحمد للہ ذمہ دار مسجد کواس بات کا علم ہے کہ جہری دعا اپنی خارجی خرابیوں کی وجہ سے بدعت ہے، اس لیے ذہن سازی کے بعد سری دعا پر آمادہ ہوگئے، لیکن افسوس کہ چند فتنہ انگیزوں کی طرف سے فساد اور انتشار کا امکان ہے۔ بنا بریں ذمہ داران مسجد دعاء جہری کا فیصلہ لینے والے ہیں جو اچھا نہیں ہوگا۔ خوبی کی بات یہ ہے کہ ذمہ دار جو بھی فیصلہ لیتے ہیں کوئی اس کو بدل نہیں سکتا محض باہر کے لوگوں کی وجہ سے اور انتشار کی وجہ سے فیصلہ بدلنے پر آمادہ ہوگئے ہیں۔ کیا اس طرح کی کاروائی ذمہ داروں کی طرف سے درست ہے؟ اللہ نہ کرے اگر ایک اندوہناک فیصلہ لیتے ہیں تو امام مسجد کو کیا کرنا چاہیے؟ اپنے مفید مشوروں سے نواز کر ممنون فرمائیں۔ نیز ذمہ داروں کااس طریقہ سے فیصلہ کرنا جب کہ خالص شریعت کا مسئلہ ہے اور ذمہ داروں میں کوئی بھی عالم دین نہیں ہے کیسا ہے؟شہر کے ایک دینی ادارہ سبیل الرشاد سے (قریب کی وجہ سے) دعاء سری کے تعلق سے پوچھا گیا ،تو جواب ملا کہ انتشار نہیں ہونا چاہیے اس لیے جہری دعا ہی کریں۔ اب آپ ہی فرمائیں کہ کیا کیا جائے؟ ایک وضاحت بھی کردوں کہ چار دنوں بعد اجلاس ہونے والا ہے جس میں جہری دعا کا فیصلہ کیا جائے گا۔ آپ سے درخواست ہے کہ اجلاس سے پہلے آپ کا مدلل اور مفصل جواب مل جائے تو فیصلہ کو روکا جاسکتا ہے۔ آپ کا فتوی بہت مفید ثابت ہوگا۔ بنا بریں وقت کی نزاکت کو سامنے رکھتے ہوئے فوراً جواب مرحمت فرماکر احیاء سنت میں تعاون فرماویں۔

میں کچھ مسائل جاننا چاہتا ہوں جو کہ بہت اہم ہیں۔ ایک لڑکا جو کہ کال سینٹر میں کام کررہا ہے اپنی آفس کی ایک لڑکی کے ساتھ ملوث ہے۔ اس کے والدین اس کے اس عمل کی وجہ سے بہت برہم ہیں۔وہ لوگ اپنے لڑکے کو متنبہ کرنے کی کوشش کررہے ہیں لیکن وہ نہیں سمجھ رہا ہے۔ اب وہ لوگ ایک دعا تلاش کررہے ہیں جس کے ذریعہ سے اپنے لڑکے کو اس لڑکی سے علیحدہ کرسکیں۔برائے کرم جلد از جواب عنایت کریں۔ اگلا سوال یہ ہے کہ فجر کی سنت کی کیا اہمیت ہے؟ کس وقت تک اس کو ادا کرنا چاہیے؟ ناخن کاٹنے کی سنت کیا ہے یعنی غسل سے پہلے یا بعد میں۔ دوسرے یہ کہ کیا مرد اپنی عورت کی رخصتی ہونے سے پہلے مباشرت کرسکتا ہے؟ یعنی صرف ان کا نکاح ہوا ہے اور رخصتی نہیں ہوئی ہے؟